महासंघको साधारणसभाको मिति तय गर्न समिति गठन
काठमाडौं । नेपाल उद्योग वाणिज्य महासंघले साधारणसभाको मिति तय गर्नका लागि समिति गठन गरेको छ । महासंघको कार्यकारिणी समितिको भर्चुअल बैठकले ५४ औं वार्षिक साधारणसभा र निर्वाचनको मिति र मोडालिटी तयार गरी सुझाव पेश गर्न ६ सदस्य रहेको समिति गठन गरेको छ । त्यस्तै साउन २६ र २७ गतेका लागि तय भएको निर्वाचन सार्ने निर्णयलाई पनि अनुमोदन गरेको छ ।
नेपाल उद्योग वाणिज्य महासंघका उपाध्यक्ष चन्द्रप्रसाद ढकालले जिल्ला तथा नगर उद्योग वाणिज्य संघ, वस्तुगत संघ र एशोसिएटको तर्फबाट दुईदुई जना कार्यसमिति सदस्य रहेको समिति बनाउने निर्णय भएको जानकारी दिए । समितिले १५ दिन भित्र साधारणसभाको मिति र मोडालिटी तयार गरी महासंघको पदाधिकारी समितिमा पेश गर्ने छ ।
