प्रहरीद्वारा गोंगबुमा भएको हत्या घटनाको आरोपी महिला सार्वजनिक
काठमाडौं । काठमाडौंको गोंगबुमा भएको हत्याका आरोपी महिलालाई प्रहरीले चितवनबाट काठमाडौं ल्याइ मंगलबार सार्वजनिक गरेको छ । हत्या आरोपमा चितवनबाट पक्राउ परेकी कल्पना कल्पना मुडभरी (पौडेल) लाई पत्रकार सम्मेलन गरी प्रहरीले सार्वजनिक गरेको हो । ती महिलाले नशालु पदार्थ दाङका कृष्णबहादुर बोहोराको हत्या गरेको बयान दिएकी छन् ।
उनले नशालु चक्की खुवाएर बेहोस बनाएपछि दाउले हत्या गरेको बयान दिएको प्रहरीले बताएको छ । प्रहरीसँगको बयानमा ती महिलाले बाथरुममा लगेर खुट्टा र टाउको काटेर सुटकेश तथा जेब्रा झोलामा लगेर फालेको प्रहरीसँगको बयानमा बताएकी प्रहरीले जनाएको छ । प्रहरीले घटनास्थलबाट ह्यामर र दाउ पनि फेला पारेर सार्वजनिक गरेको छ । घटनापछि ती महिला एम्बुलेन्समा चितवन पुगेको खुलेको छ ।