मिडफिल्डर केसुके होन्डाकोे विश्व फुटबलमा दुर्लभ कीर्तिमान
जापानी मिडफिल्डर केसुके होन्डाले विश्व फुटबलमा दुर्लभ कीर्तिमान रचेका छन् । जापानी मिडफिल्डर केसुके होन्डाले ब्राजिलियन क्लब बोटाफोगोका लागि डेब्यु खेलमा नै गोल गरेपछि विश्व फुटबलमा दुर्लभ कीर्तिमान रचेका हुन् ।
ब्राजिलियन क्लब बोटाफोगोमा अनुबन्धित भएका होन्डाले ब्राजिलियन लिग काम्पेओनाटो करिओका अन्तर्गत बांगुविरुद्ध खेलमा गोल गरेका हुन् । उनले यस गोलसँगै दक्षिण अमेरिका महादेशमा पनि गोल गरे । यो उनले गोल गरेको पाँचौ महादेश हो । विश्व फुटबलमा ५ महादेशमा गोल गर्ने उनी पहिलो खेलाडी बनेका छन् ।उनी हाल क्याम्बोडियाको राष्ट्रिय टोलीको प्रशिक्षक समेत हुन् । उनले खेलाडी दर्ता प्रक्रियामा केहि समय लाग्दा ब्राजिलियन क्लबबाट खेल्न कुर्नुपरेको थियो । तर डेब्यु खेलमै गोल गर्दै उनी क्लब फुटबलमा ५ फरक महादेशबाट गोल गर्ने पहिलो खेलाडी बने ।
होन्डाले यसअघि एसिया, युरोप, उत्तर अमेरिका र ओसेनियामा गोल गरिसकेका छन् ।