नेपाल टेलिकमको सेवा गुणस्तरको विषयमा कार्ययोजना ३० दिनभित्र पेश गर्न समितिको निर्देशन



काठमाडौं । नेपाल टेलिकमको फोरजी सेवा विस्तारमा भएको ढिलाइको कारणबारे संसदीय समितिले सरकारसंग जवाफ माग गरेको छ । शुक्रबार बसेको संसदको विकास तथा प्रविधि समितिले फोरजी सेवा विस्तारमा चरम ढिलाई हुनुको कारण ७ दिनभित्र लिखित रुपमा समितिमा पेश गर्न सञ्चार तथा सूचना प्रविधि मन्त्रालयलाई निर्देशन दिएको हो ।

बैठकले टेलिकमको सेवा गुणस्तर र प्रभावकारिताको विषयमा आगामी कार्ययोजना ३० दिनभित्र समितिमा पेश गर्न मन्त्रालयलाई निर्देशन दिएको छ । टेलिकमले एक वर्षमा सिमकार्ड वितरण गरेको सीमकार्डको विवरण पेश गर्न पनि निर्देशन दिइएको समिति सभापति कल्याणी खड्काले जानकारी दिइन् ।

त्यस्तै नेपाल टेलिकमको साझेदारको विषयमा साझेदार भित्राउने विषयमा के कस्तो र कसरी साझेदारी गर्ने हो, त्यस सम्बन्धमा स्पष्ट नीति व्यवस्था गरि त्यसबारे समितिमा जानकारी गराउन समेत मन्त्रालयलाई निर्देशन दिएको सभापति खड्काले जानकारी दिइन् । बैठकमा सञ्चार तथा सूचना प्रविधि मन्त्री डा. युवराज खतिवडाले सञ्चार मन्त्रालयका सबै खरिद बिक्री प्रतिस्पर्धाका आधारमा हुने बताए ।

मन्त्री खतिवडाले नेपाल टेलिकममा रणनीतिक साझेदार भित्राउने पनि उल्लेख गरे । देशभर इन्टरनेट पुर्याउने गरी सरकारले काम गरिरहेको भन्दै लकडाउन र खरिद प्रक्रिया लगायतले बाधा गरेको र सबै ठाउँमा विद्युत सेवा नपुगेका कारण पनि इन्टरनेट सेवा पुर्याउन असहजता आएको उनले बताए ।

बैठकमा धारणा राख्ने अधिकांश सांसदहरुले टेलिकमको सेवाको गुणस्तरमाथि प्रश्न उठाएका थिए । उनीहरुले रणनीतिक साझेदार भित्राउने बिषय लामो समय हुँदा पनि पुरा हुन नसक्नुको बारे पनि जिज्ञासा राखेका थिए ।

एनसेलले टेलिकमले भन्दा राम्रो सेवा दिँदै आइरहेको उल्लेख गर्दै सांसदहरुले राज्यको लगानी रहेको नेपाल टेलिकमले त्यसमा प्रतिस्पर्धा गर्न नसकेको भन्दै सरकारको ध्यानाकर्षण गराएका थिए ।


प्रतिक्रिया दिनुहोस
ज्यान मार्ने उद्योगका फरार अभियुक्त २४ वर्षपछि पक्राउ

खोटाङ । ज्यान मार्ने उद्योगको घटनामा संलग्न रहेको ठहरसहित जिल्ला अदालत खोटाङबाट सात

मास्क नलगाई हिंड्ने २५ हजारलाई जरिवाना

काठमाडौं । गृह मन्त्रालयले अनुमति बिना काठमाडौं प्रवेश गर्न खोज्ने १९ हजारभन्दा बढीलाई

कर्मचारी र सेवाग्राहीको स्वास्थ्य सुरक्षालाई ख्याल गरेर सेवा दिन राष्ट्र बैंकको निर्देशन

काठमाडौं । नेपाल राष्ट्र बैंकले आफ्नै खर्चमा बैंक तथा वित्तीय संस्थाले कोभिड–१९ सङ्क्रमण

प्रचण्ड-ओलीबीचको छलफल आन्तरिक विवाद समाधानतर्फ उन्मुख

काठमाडौं । कोरोना भाइरसको संक्रमण बढेपछि पछिल्लो एक साता भेटघाट समेत बन्द भएको