कहिले ढल्ने हो यो लामो रात ?



अहिले बाताबरण निकै मनमोहक छ | रुखले पालुवा लगाएका छन् | चराहरुको चिरबिरले बसन्त ऋतुलाई रंजन गर्दैछन | स्वच्छ हावा बहिरहेको छ | क्षितिजमा हिमाल मुस्कुराएका छन् | डांडाकाँडाले हरियो पछ्यौरा ओढेका छन् | आकासमा जुनतारा चम्किएका छन् | कतै पनि धुलो, धुँवा तथा कोलाहल छैन | पशुपंक्षी तथा बनस्पतिले आफुलाई सुरक्षित ठानेका छन् |

घरको खाना, आराम तथा धपेडीविहिन जीवनशैलीको कारण मान्छेहरु स्वस्थ छन् | ब्यस्त मान्छेहरु पनि परिवारसंग मिठा पल व्यतित गरिरहेका छन् | अस्पताल, क्लिनिक तथा स्वास्थ्य केन्द्रहरु रित्ता छन् | प्रदुषणको कारण हाम्रा आँखा, छाला तथा श्वासमार्गमा एलर्जी भएको छैन | रुघाखोकी लागेको छैन | सास फेर्न गाह्रो भएको छैन | फोक्सोमा प्रचुर अक्सिजन भरिएको छ | जंक फुड, रेस्टुरेन्ट तथा होटलका कृत्रिम खानाले कसैको पनि पेट बिगारेको छैन | पाचन प्रणाली आफ्नो लयमा फर्किएको छ | कामको तनाब, दिनचर्याको तनाब तथा ट्राफिक जामको तनाब शुन्यप्राय छ |

लाग्छ, सधै जीवन यस्तै थियो | धुलो, धुँवा, हिलो, चर्को आवाज, कोलाहल कहिल्यै थिएन र अब हुने छैन | सहर पहिलोपटक गाउँ भएको छ | हामीसंग भएका सामग्री आफैलाई बढी भएको छ | कुनै कपडा किन्ने रहर छैन | बाहिर खाने इच्छा छैन | कसैलाई भेट्ने चाह छैन |

यतिमात्र हैन अहिले हामीले गते र बार बिर्सेका छौं | ती गते र बार मान्छेले दिएका नाम मात्र हुन् | प्रकृतिले हरेक दिन उस्तै दिएको हुन्छ |

मनमा एक तमासको डर छ | आँखाले नदेखिने कोरोना भाइरसले पृथ्वी ठप्प पारेको छ | आफ्ना हातसंग शंका छ | आफ्ना घरका सामानसंग शंका छ | आफन्तसंग शंका छ | मान्छेसंग भेट्नु नपरे हुन्थ्यो जस्तो लागिरहेको छ |

अत्यास छ, यो भाइरसको तानाशाही सत्ता कति लम्बिने हो ? भान्सा रित्तिएपछि के खाने हो ? औषधि पाइने हो कि हैन ? पानी पिउन कहिलेसम्म पाइने हो ? कथंकदाचित बिरामी भए के गर्ने हो ? बिभिन्न किसिमका भाडा कसरी तिर्ने हो ? कहाँबाट पैसा ल्याएर किस्ता तिर्ने हो ? यो कोरोना शाशन ढल्ने बेलासम्म आफ्नो जागिर रहने हो कि गइसक्ने हो ? एउटा सिटामोल किन्न जाँदा प्रहरीको लाठी खान पर्ने कहिलेसम्म हो ? हिड्दाहिंड्दै बीच बाटोमा रोकिएका पाइला कहिलेदेखि अगाडि बढाउने हो ?

धैर्यताको बिकल्प छैन | नयाँ दिन आउन यो रात ढल्नुको बिकल्प छैन | कति लामो रात हो यो ?

चिन्ताको कुनै अर्थ छैन | जीवनमा जे जे आए, ती स्वीकार्य भए | तीता पल, मिठा पल, सुन्दर पल, कुरूप पल | अब आउने पल पनि स्विकार्नु पर्छ, चुपचाप | सहनु पर्छ, चुपचाप | प्रकृति बदलियो अब स्वीकृति बदलिनु जरुरि छ | शक्ति, बैभव र प्रगतिको परिभाषा बदलियो अब हामीलाई त्यसलाई हृदयंगम गर्नु जरुरि छ | सुरक्षाको परिभाषा बदलियो, सत्रुको परिभाषा बदलियो, मित्रको परिभाषा बदलियो, छनोटको परिभाषा बदलियो …अब हामीले आफुलाई पढ्नु जरुरि छ, को हुँ भनेर चिन्नु जरुरि छ |

: रवीन्द्र समीर
यो खबर पढेर तपाईलाई कस्तो महसुस भयो ?

प्रतिक्रिया दिनुहोस
गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री

हेटौँडा । प्रधानमन्त्री पुष्पकमल दाहाल ‘प्रचण्ड’ले सम्झौताअनुरूप गुणस्तरको काम नहुँदा राज्यमाथि अतिरिक्त दायित्व

चीनको नजिकको छिमेकी नेपालले पनि जिडिआइको सफलताबाट उल्लेखनीय लाभ उठाउन सक्छः उपाध्यक्ष पौडेल

काठमाडौँ । नेकपा एमालेका उपाध्यक्ष विष्णुप्रसाद पौडेलले चीनले अघि सारेको वैश्विक विकास प्रयास

दुर्गा प्रसाईंका नाममा रहेको हतियारको इजाजतपत्रबारे छानबिन गर्न समिति गठन

काठमाडौँ । सरकारले मेडिकल व्यवसायी दुर्गा प्रसाईंका नाममा रहेको हतियारको इजाजतपत्र र नवीकरणबारे

हाम्रो नेपाली पार्टीले मन्त्री बज्राचार्यलाई कारवाही गर्ने

हेटौंडा । हाम्रो नेपाली पार्टी (हानेपा)ले बागमती प्रदेशका नवनियुक्त मन्त्री शैलेन्द्रमान बज्राचार्यलाई कारबाही